„Restposten mit Bauplatz“. Was für eine tolles Theaterstück der Borssumer Theatergruppe. Es hat dem Förderverein der Oberschule Borssum viel Freude bereitet, die zahlreichen Besucher/innen mit Getränken und Muffins zu versorgen. Der Gewinn aus den Einnahmen kommt der Ausgestaltung der Schule zugute.  Wir möchten uns vielmals bei der Borssumer Theatergruppe für die Zusammenarbeit bedanken. Hier ein kleiner Beitrag unsererseits: 

Watt för ’n Theater in Borssum

An dat Enn van d‘ Februarmaant gaff dat en Bauplatz to verkopen. Un dat in d‘ Oberschool Borssum. Wat? Wo is dat denn mögelk?

Man nu mal de Rieg na. De Theaterklottje van Blau-Witt Borssum harr sük mal weer en heel mooi Stück utsöcht, de se hör Publikum wiesen wullten: „Restposten mit Bauplatz“. Un daarbi harr man de Idee, dat dat wall heel mooi was, weer in de Aula van d‘ Borssumer School to spölen. Dat is ja ok mackelk, wenn dat all an Ort und Stee stattfinnen kann. Mutt man sük neet eerst in d‘ Auto setten of eerst up ’t Rad stiegen bi dat koll Weer.

Bühne-Schule-Borssum cafeteria-schule-borssum

Nu hett sük Blau-Witt en „Kooperationspartner“ (as dat so up Neeidüütsk heet) söcht  –  un ok fell en funnen: de Förderverein van de „Oberschule Borssum“.

Bevör ick nu weer van ’t Theaterklottje und de Förderverein vertell, will ik jo even verklaren, wat dat mit Osterburgschool, IGS un Oberschool Borssum up sük hett. Denn mennigeen hett noch neet mitkregen, dat de Osterburgschool weg is, wenn ok de Naam immer noch dransteiht. Wenn jo dat allens neet interessert, denn mutten ji unnern wiederlesen.

Mensa-am-abend Mensa-Borssum

De Oberschool Borssum is siet Harvst 2015 in dat ehemalig Tohuus van de Osterburgschool, de mennigeen in d‘ Dörp kennt, wiel he of se daar na d‘ School hengahn is.

Aber de Schoolpolitik hett sük so entwickelt, dat de oll Osterburg leider neet mehr daar is und tüskenin de IGS de Räumlichkeiten nutzt harr. Aber as dat Huus to lüttjet för disse School wurr un se uttrucken is, do harr bold  dat mooi Gebäude leegstahn. Wat en Elend! Wat een Theater in Borssum!

Aver wacht man even  –  nu is daar weer Leven in d‘ Buud. De „Oberschule Borssum“ is intrucken un fölt sük heel wohl hier. Noch is dat so, dat en heel Bült van uns Schölers ut Barenbörg of Conrebbi of Kulturviertel komen. Aber wi hebben ok Kinner ut Borssum un Umgebung. Wenn nu de nächste Generation van Veertklässlers uns in d‘ Vörjahr besöcht, denn willen wi hopen, dat hör dat hier gefallt un de Ollen hör ok bi uns anmelden.

Mensa-Oberschule-Borssum Mensa-Schule-Borssum

Nu weer torügg na ’t Thema:

De Theaterlüü van Blau-Witt hebben de Förderverein fraagt, of se daaran interesseert wassen, dat dörstig Publikum Koffje of wat Kolds intoschenken und daarmit de Finanzen van d’ Förderverein uptostocken. Wi hebben neet lang nodocht, denn Geld för de Kinner word mennigmaal bruukt. Un so hebben de Lüü en paar heel mooi Upföhrens beleevt un sük in de Paus van ’t Guffeln und Lachen mit wat to drinken verhaalt. Wo nömt man dat vandaag? Win-win-Situation.

Mensa-neben-Aula Mensa-Theater-Borssum